Бос лауазымдарға орналасу туралы ХАБАРЛАМА

 Толығырақ

Хабарландыру

АҚПАРАТТЫҚ ХАТ

2018 жылғы 26 қазанда Қазақстан Республикасы ІІМ Б. Бейсенов атындағы Қарағанды академиясы «Заманауи ғылымның өзекті мәселелері. Бейсенов оқулары» атты халықаралық қашықтық ғылыми-практикалық конференция өткізеді.

Толығырақ....

40 жыл өткеннен кейінгі түлектердің кездесуі.

2018 жылғы 9 маусымда қалыптасқан дәстүр бойынша Қазақстан Республикасы ІІМ Б.Бейсенов атындағы Қарағанды академиясына ІІМ ҚЖМ КСРО 1978 жылғы бітіруші түлектері келді. Сонау 1978 жылы оқуды аяқтағаннан кейін олар КСРО-ның барлық Республикасына тарап кеткен болатын. Бірақ арада 40 жыл уақыт өткеннен кейін 40 жыл бұрын бітірген түлектер алыс-жақын шетелдерден жиналып, Академияның қабырғасында қайта қауышып отыр.

 

Іс-шара Қарағанды академиясының негізін қалаушы және бірінші басшысы әділет генерал-майоры Б.С.Бейсеновтің ескерткішіне гүл шоғын қоюдан басталды.

Академия бастығы полиция генерал-майоры Д.Т.Кенжетаев сөз сөйлеп, 1974 жылы қабылданған барлық түлектерді құттықтап, мықты денсаулық және барлық жақсылықтарды тіледі. Сондай-ақ түлектерді ардагерлер кеңесінің төрағасы отставкідегі Академияның ішкі қызмет полковнигі Ш.И.Макин қарсы алды. Арттарына үлкен өмір жолын қалдырған 1978 жылғы түлектер Академия аумағында өздерін қайтадан жас сезінді. Олар өздеріне таныс оқу аудиторияларын, спорт залды, казарманы аралап шықты. Самайларын ақ басқанымен ішкі жан дүниелері курсант болып тұрған полковниктер мен генералдар үрмелі аспаптар оркестрінің үнімен саптық алаңда маршпен жүріп өтті. Кездесу барысында түлектер өздерінің Академия қабырғасындағы жас кездерін, олардың тәрбиесінде елеулі орын алған офицерлер мен ұстаздарды еске алды.

Академия басшылығы алыс және жақын шетелдердің, республикамыздың түкпір-түкпірінен жиналған түлектерге қазіргі Академияның ұлғайып, қанат жайғанын мақтанышпен көрсетті. Түлектер спорт залды, мұражайды аралап шықты. Өздерінің түлек альбомдарынан фотоларын қарап, өмірлеріндегі ең керемет кезеңді еске алды. Олар заңсыз көші-қонға және адам саудасына қарсы күрес бойынша оқу орталығын, Академияның жауынгерлік және еңбек даңқы тарихи мұражайын аралап шықты. Долинка кентіндегі оқу орталығына барғанда түлектер бастауыш кезеңдегі алғашқы қиындықтар олардың мінез-құлқына әсер етіп, қатаң тәртіп пен қызмет бабына бағынуға үйреткендігін және қызықты сәттерін еске алды. Академия өзінің 1974 жылғы түлектерін мақтан тұтады. Олардың көпшілігі жоғары өмірлік жетістіктерге, кәсіби жетістіктерге қол жеткізді, бұны олардың қатарындағы 5 генералдың болғандығы дәлелдейді. Бірақ кездесу күні олар қырық жыл бұрынғыдай бір-бірімен тең дәрежеде болды. Түлектер олардың басын қосып және көптен күткен қарым-қатынастық қуаныш сыйлағандарға шын жүректен ризашылықтарын білдірді.

Бұл күн жиналғандардың жадында ұзаққа қалатыны сөзсіз!

 

Телефон доверия